Mihtoa achtotika tlen akin mihtotia omochi kemeh in ollinzintli tlen zenca okipahtiaya toteome tocemanahuak, ihcon okihtoaya in tlatlakah achtotika, tehuan tihueliti tiquitazkeh tlen Mahtlakueitl otlanauatiaya ipan nochtin in atl, in ameyame, in atekochome ihuan miekeh tomacehualtlakah okinec tlakachihuazkeh toteomeh ikah ce huey ilhuitl tlen omotokayoti «Altepetlilhuitl». Yenonik mochihuaz in mihtote (ipan ce meztli tlen omotokayotiaya «atlkahualo»), pampa in tepetl kipia inemilizkemeh tehuan in macehualme. Nochtin tlen opanoaya nikan tlaltipak, kipia itezkatiliztli ahkopan ilhuikatl.
Akin mihtotia mochihuaz non huey ohtli mazki kokotetzi, kemej totepeme ihuan totlalle tlen noihki moneki tlakualiztli, tlazohtlaliztli, mauizoliztli ihuan tlaixtililiztli. Noihki omihtotihke in tla kinekiskia yaochihua, nozo san yolpaki, mazki cece ollinzintli okipix inezkayoliztli. Itech in atlkahualo tehuan tikonpia ce huey ilhuitl kanin, itech okce tlame, in macehualme omihtotiaya pampa ihkon moneki tocemanahuak. Ma tikitazkeh ceki machiome itech tonakayo: a) Ika itlahtol kuikatia ihuan mochihuas kemeh in tlalle tlen onenek in atl; b) Ika iikxihuan otlapapacho in tlalle, omatokayah omeme; c) Ika imezhuan omochi in ollintzintli kemej tzitlalime, omalakacho kemej xiuitl tlen nochipa mokuepaz; d) Ika imahuan otlanemi kemej citlalime ompa ilhuicatl, kemej in kiauitl tlen chipinia, ihuan kemej in xiuitl tlen okcepan kueponia; e) Itech in mihtotiliz nochi in cemanahuak tlaxipepanoa, ihuan itech ilhuikatl ihuan tlaltipak omochiuazkeh ce auinemiliztli; f) In xiuitl okcepa kueponia (nozo kuahuitlehua) Satepan cenka yolpakihque, pampa okipixkeh ce mekatl itech iyollo ihuan itlalle (kemeh omokak in teponaxtle). In tla kema omoskalti totlalle, kualle omomachili toyollo.
In mihtotiliz achtotika okipix ichicahualiztli, ihuan noihki tihueliti tikitazkeh tlen inakayo oyeya ce kualle ohtli pampa tlakuikuiloa totlalle, ihkon itech mihtotiliz, tonakayo yez in okachi kualle tlachiualoni in tla tiknekiskia tlahtoa ika tocemanahuak ihuan in tla akin kinekiskia ce centiliztli ika tocemanahuak, in nakayo tlen mihtotia yez ce amox yoltok tlen techilnamiki totlapohualiz ihuan tomexikayotl. Timoneki kilnamiki tlen ahmo oyeya ce tlahkuiloliztli achto yoahciko in koyotlacatl, yenonik in mihtotiliz oyeya monekini.
Zatepan, ihcuac yoahsiko in Koyotlacah, ihuan yopeuh in altepetlania, miekeh omochi in mihtotiliz zan omololohke in tlamachiliz ikah tlahtolme in kristianome. Yenonik tonantzin tlalle, kemeh Matlalkueitl yez nochipa itech karnavalome ompa Tlaxcallan. Nochipa mochihuaz in karnaval ika itlanahuatiliz in teopixke, pampa ipan ce xiuitl nahui tzontli (s. XVI) in kristianome omochi tlen Altepetlilhuitl omokuepazqueh ipan karnaval pampa okinek toaltepeme okixtianiaya, nozo okipixque in katolicismo. In kuikatiyoliztli omokuep ipan Yekakuikatiliztli, ihuan axan nochtin yomihtotiaya ce huey yaotl itech kualle ihuan ahmo kualle tlen opano ipan ilhuikatl mazki nikan tlaktikpak, okcepan nochtin nakayome tlen mihtotiz kemeh ce tezkatl, mazki okce nezkayoliztli, huelez iyaotl itech ce tlayektiliz tlakatl ihuan ahmo kualle.
Niman, ipan Jueves Santo yeyi tzontli kaxtol poal ome kaxtol huan chikuase (1536) ompa Tlaxkala in tatzi Motolinia yokihtoaya ipan mihtotiliztli: “…in macehualme yokichihke in kuakualtzi tlamanaliz ipan toteopantzintli. Yolikzi yolikzi yonechikohkeh mieke macehualme. Ipan Domingo de Pascua yoyeya mieke tlatlaka. Yohuikahkeh payolme ihuan okce tlame ika mahuiztik ixcopinalme. Omakahkeh tlanex, kokoletzime, ixkame, ihuan pitzome. Achto yotlanetzi omochi ce nechicoliztli ihuan koneme ihuan tlakame yopeuhkeh mihtotia ika mieke teomatiliztli.»
Okce amoxtli tlen otechilli kenin opeuh in karnaval ipan nahui tzontli yeyi poal ihuan chiknahui xiuitl (1669) ompa Tlaxkallan, okixtito ik Conde de San Román yotlanauatia in huehuexakayatl ahmo okichihke in pitzayome, ihuan ahmo ohuintinemiaya, ahmo otlahtlakoaya. Tehuan tihueliti tlamachilia tlen omotlakentia kemeh huehuexayaka pampa zepan okinequiskikeh ixnamaki ixpan koyotlacatl ihuan iteopixkeme, niman yoliktzi yolikzti yomokuep yomololo ihuan yotenelo, mazki nochipa tonakayo yez ce okachi kualle tlachiualoni tomexikayotl ihkuak yopanoa in xiuitl.
*Nahuatlato, profesor de Tiempo Completo del Colegio de Morelos.
